Date 12/06/2015, zantieng dar 6:30 vela Pu Lalhrillien, 19 Saikot Constituency MDC elected member chu HPC (D) fethlenga Paiteh UG ZRA haiin a ko chu tuchen hin a chanchin hriet ala ni nawh. Hrila driver le ami țhuoi pakhat chu ina anhung inkir tira, ama ruok chu iem a changa ti hriet a um thei ta nawh. zani khawm khan Sontal tieng ko ania, sienkhom Songtal a lut anphal ve naw leiin Tuima chen chau a tlungin an hung tirkir nawk a nih. Tuta anko nawkna hi chu hilai Churachandpur ami a nih. Nunghak le tlangval, mipui anchi-aiin lung a himaw hle. Tuhin mipui tamtak Pu Hrila in lai fekhawm a nia. Mipui lungsen chun tharum insuo ve a, hi thil a inhnamhnawi le inrawl nia hriet hai chu bei ve el dingin an pungkhawm. Amiruokchu, upahaiin tharum la'n suo lo hram dingin an khap. Iengchen am inkhap deiin za anngai thei ding ti ruok chu hril thei an nawm. Hi fekhawmna a hin Saikot mipui cho nilo in veng dang dang a inthawk khawmin mipui hung pungkhawm antam ta hle. Hi thil hi chingfel vat ani naw chun Hnam buoina a suok el thei ding niin an lang.
Tuhin Hmar inpui le mi tlawmngai țhenkhathaiin Pu Hrila umna chanchin le iem a changa ti hi ngaiven/hmalak mek a nih.
Tuhin Hmar inpui le mi tlawmngai țhenkhathaiin Pu Hrila umna chanchin le iem a changa ti hi ngaiven/hmalak mek a nih.
0 comments:
Post a Comment